இந்தவார பலன்கள் (15.07.2012 - 21.07.2012)

Menaka Mookandi / 2012 ஜூலை 14 , பி.ப. 06:30 - 0 - {{hitsCtrl.values.hits}}

இந்தவார பலன்கள் (15.07.2012 - 21.07.2012)

அஸ்வினி, பரணி, கிருத்திகை 1-ஆம் பாதம் ஆக 9- பாதங்கள்.

தன்னைச் சார்ந்தவர்களுடன் ஒளிவு மறைவின்றி பழகும் வெண்மையான உள்ளம் கொண்ட மேட ராசி அன்பாகளே...!

இந்த வாரம் செய்யும் தொழிலில் மேலும் சில புதிய உக்திகளைச் செலுத்துவீர்கள். புதிய பணி வாய்ப்புக்கள் தேடி வரும். வரவுக்கேற்ற செலவுகள் காணப்படும். வியாபாரத்தில் லாபம் கிடைக்கப்பெறுவீர்கள். எதிர்பார்த்த பணம் கைக்கு வந்து மனதை மகிழ்ச்சியில் ஆழ்த்தும். குழந்தைகளுடன் சுற்றுலா சென்று மகிழ்வீர்கள். நண்பர்களால் புதிய வாய்ப்புகள் உண்டாகும். வேலைக்கு செல்பவர்கள் முன்கோபத்தை தவிர்ப்பது நல்லது. மற்றவர்கள் உதவியை நம்பி எந்த செயலிலும் இறங்க வேண்டாம். உணவு மற்றும் ஆரோக்கிய விஷயத்தில் கவனம் தேவை. குடும்பத்து பெரியவர்களிடம் மரியாதையாக நடந்து கொள்வது நல்லது. வார இறுதியில் சில சங்கடங்கள் உண்டாகும்.
அதிர்ஷ்ட திகதி: 19
அதிர்ஷ்ட நிறம்: சிகப்பு,ஆரஞ்சு
அதிர்ஷ்ட தெய்வம்: சிவன் (சூரியன்)

கிருத்திகை 2, 3, 4, ரோகிணி, மிருகசீரிடம் 1௨ஆம் பாதங்கள் ஆக 9- பாதங்கள்.

தமது வாக்கு சாதுர்யத்தாலும் இனிய சுபாவத்தினாலும் வாழ்வில் வெற்றியை பெற்றுக்கொள்ளும் இடப ராசி அன்பர்களே...!

இந்த வாரம் புதிய ஆடைகள் கிடைக்கும் வாய்ப்புக்கள் காணப்படுகின்றன. ஆன்மீக காரியங்கள் செய்வதற்கு மனதில் ஆர்வம் காணப்படும். பொன் பொருள் சேர்க்கை உண்டாகும். கடின உழைப்பால் விற்பனை அதிகரிக்கும். சொத்து சம்பந்தப்பட்ட பிரச்சினைகள் சுமூகமாக முடியும். புதிய முதலீடுகளுக்கான யோசனைகள் கிடைக்கப்பெறுவீர்கள். புதிய நபர்களிடம் எச்சரிக்கையுடன் பழுகுவது நல்லது. வெளியில் செல்லும் போது கவனத்துடன் இருப்பது அவசியம். விருந்து மற்றும் உபசரிப்புக்களில் கலந்து கொள்வீர்கள். சக ஊழியர்களிடம் மதிப்பைப் பெறுவீர்கள். இந்த வாரம் உங்களுக்கு மகிழ்ச்சியாகவே செல்லும்.
அதிர்ஷ்ட திகதி: 15
அதிர்ஷ்ட நிறம்: வெள்ளை, வெளிர் மஞ்சள்
அதிர்ஷ்ட தெய்வம்: பெருமாள்

மிருகசீரிடம் 2, 3, திருவாதிரை, புனர்பூசம் 1, 2, 3-ஆம் பாதங்கள் ஆக 9- பாதங்கள்.

வலிமையான உள்ளமும் செயல்களில் சுறுசுறுப்பும் கொண்ட மிதுனம் ராசி அன்பர்களே...!

இந்த வாரம் உடல் நலத்தில் அக்கறை செலுத்த வேண்டும்;. மனதில் குழப்பங்கள் தோன்றி மறையும். பண தேவைகள் அதிகமாக காணப்படும். தேவையற்ற செலவுகளைக் குறைப்பது நல்லது. தங்களது திட்டங்களை எதிர்பாராது மாற்றி அமைக்க வேண்டி இருக்கும். பணியில் தொழில் நுட்பங்களை தெரிந்து கொள்வதற்காக அலைச்சல்கள் பட வேண்டி இருக்கும். ஆனால் வார இறுதியில் அயல்தேசங்களிருந்து நல்ல செய்திகள் கிடைக்கும். காரியங்கள் தாமதமானாலும் இறுதியில் அவை தங்களுக்கு சாதகமாக அமையும். இல்லத்தில் மகிழ்ச்சி நிலவும். வாழ்க்கைத் தரத்தை உயர்த்திக்கொள்ள நல்ல வாய்ப்புகள் கிடைக்கப்பெறுவீர்கள். வார இறுதியில் மகிழ்ச்சியாகவே செல்லும்.
அதிர்ஷ்ட திகதி: 17
அதிர்ஷ்ட நிறம்: சாம்பல் நிறம், நீலம்
அதிர்ஷ்ட தெய்வம்: நவகிரகம்

புனர்பூசம் 4, பூசம், ஆயில்யம் முடிய ஆக 9- பாதங்கள்.

மென்மையான சுபாவமும் எல்லோருடனும் எளிமையாக பழகும் உள்ளம் கொண்ட கடக ராசி அன்பர்களே...!

இந்த வாரம் வேலை நெருக்கடியால் உடல் நலம் பாதிக்கப்படும். பண விஷயங்களில் யாரையும் நம்ப வேண்டாம். மன நிம்மதி வேண்டி ஆலயங்களுக்கு சென்று வருவீர்கள். பெண்கள் பொறுமையுடன் பேசினால் பிரச்சினையில் இருந்து தப்பிக்கலாம். உணவு விஷயத்தில் கட்டுப்பாடு தேவை. இருந்த போதிலும் வார இறுதியில் மனதில் உற்சாகம் காணப்படும். நீண்ட நாளைய நண்பர்களை சந்தித்து மகிழ்வீர்கள். கலைஞர்களுக்கு பெரிய வாய்ப்புகள் கிடைக்கும். சிலர் புதிய வாகனத்தை வாங்குவீர்கள். பணியில் இருப்பவர்களுக்கு சம்பள உயர்வுகள் கிடைக்கும். வார இறுதி மகிழ்ச்சியாகவே செல்லும்.
அதிர்ஷ்ட திகதி: 15
அதிர்ட நிறம்: வெள்ளை, வளிர் மஞ்சள்
அதிர்ட தெய்வம்: பெருமாள்

மகம், பூரம், உத்திரம் 1ஆம் பாதம் ஆக 9- பாதங்கள்.

யாருக்காகவும் தனது கொள்கைகளை விட்டுகொடுக்காது பயமற்ற பேச்சும் செயலும் கொண்ட சிம்ம ராசி அன்பர்களே...!

இந்த வாரம் செய்யும் செயல்கள் வெற்றியைத் தழுவும். புதிய முயற்சிகள் சிறு அலைச்சல்களைக் கொடுக்கும். அயலாருடைய உதவியை எதிர்பார்க்கும் சூழ்நிலை உருவாகும். மேல்அதிகாரிகளுடன் எதிரிகளுடனும் மிக கவனமாக நடந்து கொள்ளுதல் வேண்டும். நீண்ட தூர பயணம் மேற்கொள்வீர்கள். எதிர்பாராத திடீர் செலவுகள் உண்டாகும். புதிய முயற்சிகள் இலாபகரமாக அமையும். பொழுது போக்குகளில் ஈடுபடும் பொழுது கவனம் தேவை. பணம் தேவைக்கேற்ப வரும். நண்பர்களிடமிருந்து சரியான நேரத்தில் உதவிகள் கிடைக்கப்பெறுவீர்கள். அரசு வகையில் இலாபமும் அனுகூலமும் கிடைக்கப்பெறுவீர்கள். வியாபாரத்தில் புதிய உக்திகளை செலுத்தி வெற்றி காண்பீர்கள். இந்த வாரம் மகிழ்ச்சியாகவே செல்லும்.
அதிர்ஷ்ட திகதி: 22
அதிர்ஷ்ட நிறம்: ஆரஞ்சு, சிகப்பு
அதிர்ஷ்ட தெய்வம்: பார்வதி

உத்திரம் 2, 3, 4, அஸ்தம், சித்திரை 1, 2ஆம் பாதங்கள் ஆக 9- பாதங்கள்.

தான் செய்யும் எந்த காரியத்திலும் வாய்மையும் முன்னுரிமையும் பெற எண்ணும் கன்னி ராசி அன்பர்களே...!

இந்த வாரம் தங்களது உடமைகளை பாதுகாப்பாக வைத்துக் கொள்வது அவசியம். வீணான சிரமங்கள் தோன்றும். உஷ்ணம் காரணமாக உடலில் புண்கள் உண்டாகலாம். உடல்நிலை மேம்பாட்டிற்கான பயிற்சிகளில் ஈடுபடுவீர்கள். எதிலும் விழிப்புணர்வுடன் செயல்படுவது அவசியம். பெற்றோரின் உடல் நிலையில் அக்கறை காட்டுவது அவசியம். ஆனால் வார இறுதியில் கலைஞர்களுக்கு பெரிய வாய்ப்புகள் கிடைக்கும். அறிமுகம் இல்லாதவர்கள் தங்களுக்கு உதவுவர். வெண்மையான ஆடை அணிதல் நல்ல காரியங்கள் செய்வதற்கு வழிகிடைத்தல் மனதில் உற்சாகம் பிறக்கும் பணம் தேவைக்கேற்ப வரும். பெண்களுக்கு தன்னம்பிக்கையும் மனதைரியமும் மிகும்.வார இறுதி மகிழ்ச்சியாகவே செல்லும்.
அதிர்ஷ்ட திகதி: 21
அதிர்ஷ்ட நிறம்: ஆரஞ்சு, சிகப்பு
அதிர்ஷ்ட தெய்வம்: பார்வதி

சித்திரை 3, 4, சுவாதி, விசாகம் 1, 2, 3-ஆம் பாதங்கள்.

தேடிச்சென்று உதவிடும் குணமும் முடிவுகளை பராது முன்னேற்றத்திற்காக முழு மூச்சாக செயல்படும் துலா ராசி அன்பர்களே...!

இந்த வாரம் தடைபட்டு வந்த சுப நிகழ்ச்சிகளுக்கு மீண்டும் பேச்சு வார்த்தைகள் நடைபெறும். ஓரளவு பண வரவின் மூலம் திருப்தி காணப்படும். வியாபாரம் சம்மந்தமாக புதிய கிளைகளை தொடங்க முயற்;சி செய்வீர்கள். உடலில் வாயு சம்மந்தமாக சில தொந்தரவுகள் காணப்படும். நண்பர்களுடன் சுற்றுலா வாய்ப்புக்கள் தேடி வரும். விருந்துகளில் கலந்துகொள்ளும் வாய்ப்புக்கள் கிடைக்கும். இல்லத்தில் மகிழ்ச்சி உண்டாகும். இல்லத்தில் இளைய சகோதரர்களின் வரவினால் ஆதாயம் கிடைக்கும். நீண்ட தூர பயணம் மேற்கொள்வது நல்லது. பிள்ளைகள் பொறுப்புணர்ந்து செயல்படுவது நல்லது. இந்த வாரம் உங்களுக்கு மகிழ்ச்சியாகவே செல்லும்.
அதிர்ஷ்ட திகதி: 21
அதிர்ஷ்ட நிறம்: ஆரஞ்சு, சிகப்பு
அதிர்ஷ்ட தெய்வம்: பார்வதி

விசாகம் 4, அனுசம், கேட்டை முடிய ஆக 9- பாதங்கள்.

ஆர்வத்துடன் சாதனைகள் படைக்கும் குணமுடயவர்களே எடுத்த காரியத்தை முடிக்கக்கூடிய ஆற்றல் பெற்ற விருட்ச்சிக ராசி அன்பர்களே...!

இந்த வாரம் நீங்கள் விரும்பிய பொருட்கள் உங்களுக்கு பரிசாக கிடைக்கும். பணியாளர்களுக்கு மேலதிகாரிகளின் ஆதரவுகள் கிடைக்கும். நீண்ட நாளைய நண்பர்களை சந்தித்து மகிழ்வீர்கள். தொழிலில் புதிய முயற்சிகள் வெற்றியைக் கொடுக்கும். கையில் இருக்கும் பணத்திற்கு தகுந்த செலவுகளை மேற்கொள்வது நல்லது. இல்லத்து சுப நிகழ்ச்சிகளில் கலந்து கொள்வீர்கள். ஏற்றுமதி இறக்குமதிகளில் ஆர்டர்கள் கிடைக்கப் பெறுவீர்கள். வியாபாரத்தில் முன்னேற்றம் காணப்படும் நவீன உக்திகள் மூலம் வாடிக்கையாளர்களின் ஆதரவைப் பெறுவீர்கள். ஆடம்பர பொருட்கள் மீது அதிக நாட்டம் உண்டாகும். ஒரு சில வேலைகளில் இழுபறியான நிலை காணப்படும்.
அதிர்ஷ்ட திகதி: 15
அதிர்ஷ்ட நிறம்: பச்சை, மஞ்சள்
அதிர்ஷ்ட தெய்வம்: பெருமாள்

சந்திராஷ்டமம்
ஜூலை மாதம் 16ஆம் திகதி மாலை 05.59 மணியிலிருந்து ஜூலை 18ஆம் திகதி காலை 04.13 மணிவரை இருப்பதால் இந்த காலகட்டத்தில் புதிதாக நண்பர் அல்லது உறவினர் வீட்டில் விருந்து உண்ணுதல், புதிய முயற்சிகள், புதிய தொழில் தொடங்குதல், வேண்டாத பிரச்சினையில் ஈடுபடுவது போன்றவைகளை கண்டிப்பாக தவிர்க்கவும்.

குறிப்பு: இந்த வாரத்தில் சந்திரனை வணங்கி அர்ச்சனை செய்ய வேண்டும்.

மூலம், பூராடம், உத்திராடம் 1-ஆம் பாதம் ஆக 9- பாதங்கள்.

அனைவரிடமும் அன்பு காட்டும் உள்ளமும் தீமைகளை கண்டு விலகி செல்லும் பக்குவம் கொண்ட தனுசு ராசி அன்பர்களே...!

இந்த வாரம் குல தெய்வ வழிபாடுகளில் கலந்து கொள்வீர்கள். மன பயம் நீங்கி மனோ பலம் அதிகரிக்கும். நண்பர்கள் உதவிக்கரம் நீட்டுவார்கள் வெற்றிகள் கிடைக்கப்பெறுவீர்கள். காரணமற்ற வெறுப்பும் சோர்வும் காணப்படும். எதிர்கால சிந்தனைகள் சற்று அதிகமாகவே காணப்படும். எதிர்பார்த்த உதவிகள் சற்று கால தாமதத்தை உண்டாக்கும். இடமாற்ற முயற்சிகள் வெற்றி தரும். பெண்களுக்கு மகிழ்ச்சியான சுப செய்திகள் வந்து சேரும். ஆரோக்கியத்துடன் இருப்பதால் கடமையில் ஆர்வம் பிறக்கும். லாபம் சுமாராக இருக்கும். அரசினரால் கிடைக்கப் பெறும் செய்திகள் அனுகூலமாக இருக்கும். வார இறுதி மகிழ்ச்சியாகவே செல்லும்.
அதிர்ஷ்ட திகதி: 15
அதிர்ஷ்ட நிறம்: வெள்ளை, வெளிர் மஞ்சள்
அதிர்ஷ்ட தெய்வம்: பெருமாள்

சந்திராஷ்டமம்
ஜூலை மாதம் 18அம் திகதி காலை 04.13 மணியிலிருந்து ஜூலை 21ஆம் திகதி காலை 11.53 மணிவரை இருப்பதால் இந்த காலகட்டத்தில் புதிதாக நண்பர் அல்லது உறவினர் வீட்டில் விருந்து உண்ணுதல், புதிய முயற்சிகள், புதிய தொழில் தொடங்குதல், வேண்டாத பிரச்சினையில் ஈடுபடுவது போன்றவைகளை கண்டிப்பாக தவிர்க்கவும்.

குறிப்பு: இந்த வாரத்தில் சந்திரனை வணங்கி அர்ச்சனை செய்ய வேண்டும்.

உத்திராடம் 2, 3, 4, திருவோணம், அவிட்டம் 1, 2-ஆம் பாதங்கள் ஆக 9- பாதங்கள்.

அவனின்றி ஒரு அனுவும் அசையாது என்பதில் இறைவனுக்கு முதலிடம் அளிக்கும் மகர ராசி அன்பர்களே...!

இந்த வாரம் எல்லா வேலைகளையும் குறித்த நேரத்திற்கு முடித்து அதிகாரிகளின் பாராட்டைப் பெறுவீர்கள். அரசு பணிக்காக காத்திருப்பவர்களுக்கு வேலைகள் கிடைக்கப் பெறுவீர்கள். பிரபலங்களின் நட்புகள் கிடைக்கும். நிதி நிலைமையில் சற்று எதிர்பாராத செலவுகள் உண்டாகும். எதைப்பற்றியும் விமர்சிக்காமல் இருப்பது நல்லது. செயல்களில் சற்று நிதானம் அவசியம். மனம் சஞ்சலம் அடைதல். வேண்டாத பேச்சுக்கள் மற்றும் செலவுகளால் மன வேதனையடைதல். மேல்அதிகாரிகளுடன் எதிரிகளுடனும் பகையை வளர்த்துக் கொள்ளாமல் இருப்பது நல்லது. பெண்களுக்கு வயிறு சம்மந்தமான பிரச்சனைகள் உண்டாகும். விழிப்புணர்வுடன் இருப்பதால் சில இழப்புக்களைத் தவிர்கலாம். பிறரின் ஆலோசனைகளைக் கேட்டு நடப்பதன் மூலம் நஷ்டங்களைத் தவிர்க்கலாம்.
அதிர்ஷ்ட திகதி: 15
அதிர்ட நிறம்: வெள்ளை, வெளிர் மஞ்சள்
அதிர்ஷ்ட தெய்வம்: பெருமாள்

சந்திராஷ்டமம்
ஜூலை மாதம் 21ஆம் திகதி காலை 11.53 மணியிலிருந்து ஜூலை 23ஆம் திகதி மாலை 05.27 மணிவரை மணிவரை இருப்பதால் இந்த காலகட்டத்தில் புதிதாக நண்பர் அல்லது உறவினர் வீட்டில் விருந்து உண்ணுதல், புதிய முயற்சிகள், புதிய தொழில் தொடங்குதல், வேண்டாத பிரச்சினையில் ஈடுபடுவது போன்றவைகளை கண்டிப்பாக தவிர்க்கவும்.

குறிப்பு: இந்த வாரத்தில் சந்திரனை வணங்கி அர்ச்சனை செய்ய வேண்டும்.

அவிட்டம் 3, 4, சதயம், பூரட்டாதி 1, 2, 3ஆம் பாதங்கள் ஆக 9-பாதங்கள்.

எதற்கும் தளராத நெஞ்சமும் ஆடம்பரம் இன்றி வாழ விரும்பும் கும்ப ராசி அன்பர்களே...!

நிர்வாகப் பொறுப்புகள் கூடும். சக ஊழியர்களிடம் முன்கோபத்தை தவிர்ப்பது நல்லது. வேலைபார்ப்பவர்களிடம் எச்சரிக்கையுடன் இருப்பது நல்லது. வியாபாரிகளுக்கு பெரிய வாய்ப்புகள் கிடைக்கும். தொழிலில் போட்டி பொறாமைகள் அதிகரித்தாலும் அதில் வெற்றி பெறுவீர்கள். சுப செலவுகள் உண்டாகும். வாடிக்கையாளர்களின் அதிருப்திக்கு ஆளாக இடமுண்டு. அதிக அலைச்சலால் உடல் நிலையில் சோர்வு உண்டாகும். செலவுகளைக் கட்டுப்படுத்துவது அவசியம். எச்செயலிலும் ஆர்வத்துடன் ஈடுபட்டு வெற்றி காண்பீர்கள். பெண்களினால் உதவி மற்றும் இன்பம் கிடைக்கும்.
அதிர்ஷ்ட திகதி: 19
அதிர்ஷ்ட நிறம்: சிகப்பு, ஆரஞ்சு
அதிர்ஷ்ட தெய்வம்: சிவன் (சூரியன்)

பூரட்டாதி 4, உத்திரட்டாதி, ரேவதி; முடிய ஆக 9-பாதங்கள்.

தனகென்று மட்டும் எண்ணாது பிறரின் நலனுக்காக செயல்படும் பரந்த உள்ளம் கொண்ட மீனம் ராசி அன்பர்களே...!

இந்த வாரம் தெய்வீக பணிகளுக்கான செயல்களை எதிர்பார்க்கலாம். பெற்றோரின் உதவிகள் மிகுந்த பயனைத்தரும். இடமாற்றம் முயற்சிகள் வெற்றியைத் தரும். நண்பர்களிடம் இருந்து வந்த கருத்து வேறுபாடுகள் நீங்கி சுமூக உறவு காணப்படும். பணம் தேவைக்கேற்ப வரும். கணவன் மனைவி உறவு சுமூகமாக செல்லும். மற்றவர்களிடம் இருந்த கருத்து வேறுபாடுகள் நீங்கி சுமூக உறவுகள் தென்படும். மனதிற்கு பிடித்த பொருட்களை வாங்கி மகிழ்வீர்கள். பணியாளர்களுக்கு சம்பள உயர்வுக்கான பேச்சு வார்த்தைகள் நடைபெறும். புதிய முயற்சிகள் அனைத்தும் வெற்றிகரமாக முடியும்.
அதிர்ஷ்ட திகதி: 21
அதிஷ்ட நிறம்: கருப்பு தவிர
அதிஷ்ட தெய்வம்: பிரம்மா

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .