வாழ்வியல் தரிசனம் 26/04/2016

கற்பனைக் கூட தூய முறையில் அமைத்திடுக. எவரையும் பழி வாங்குவது போலவும் கோபத்துடன் சாபம் இடுவது போலவும் சிந்திக்கவே கூடாது.

எதிரிகளை நேருக்கு நேர் வீழ்த்த முடியாதவர்கள், கற்பனையில் அவர்களை வீழ்த்திச் சுகம் தேடுகின்றனர்.

நல்லதை நினைப்பவர்களுக்கு எதிரிகள் ஏது? கண்டபடி கற்பனை செய்பவர்கள் தங்கள் இதயத்தின் எதிரியாகின்றனர்.

என்றும் இனிய சப்தமுடன் இதயத்தை இயங்கச் செய்ய தூய மனத்துடன் வாழ்ந்தால் அது போதும்.

மனம் களிப்புடன் ரீங்காரம் செய்ய வேண்டும். ஆகாயத்தில் பறக்க அதன் எல்லையை மகிழ்வுடன் தொட்டுவிட மனசுக்கு நலர் உணர்வையூட்டுக.

-பருத்தியூர் பால வயிரவ நாதன்