பார்பி பொம்மைகளை நிர்வாண லெஸ்பியன்களாக சித்தரித்தவர்களுக்கு எதிராக வழக்கு

உலகெங்கும் பிரபலமான பார்பி பொம்மைகளை லெஸ்பியன்களாக சித்தரித்து கலண்டர் தயாரித்த ஓவியர்களுக்கு எதிராக பார்பி பொம்மை தயாரிப்பு நிறுவனம் வழக்குத் தொடுக்கவுள்ளது.

ஆர்ஜென்டினாவின் பியூனர் அயார்ஸை சேர்ந்த கலைஞர்களான பிரேனோ கோஸ்டா,  கில்ஹேர்ம் சொவ்ஸா ஆகியோர் பொம்மை தயாரிப்பு நிறுவனமொன்றுடன் இணைந்து மேற்படி கலண்டர்களை தயாரித்துள்ளனர்.

இக்கலண்டரின் சில மாதங்களுக்கான பக்கங்களில் நிர்வான பார்பி பொம்மைகள் காணப்படுகின்றன. வேறு சில மாதங்களுக்கான பக்கங்களில் இரு பார்பி பொம்மைகள் அந்தரங்க நிலையில் காணப்படுகின்றன.

ஓவியர்கள் கொஸ்டா மற்றும் சொவ்ஸா கருத்துத் தெரிவிக்கையில்,  'சமூகத்தில் அனைத்தையும் விற்பனை செய்வதற்கு செக்ஸ் எவ்வாறு பயன்படுத்தப்படுகிறது என்பதை இக்கலண்டர் வெளிப்படுத்துகிறது' என்று கூறியுள்ளனர்.

எனினும் பார்பி பொம்மை தயாரிப்பு நிறுவனமான மாடெல்லின் ஐப்பிய பேச்சாளர் இது தொடர்பாக கூறுகையில்,  'பார்பி பொம்மைகள் இவ்வாறு வரையப்படுவதை நாம் விரும்பவில்லை. குறிப்பாக எமது  இலச்சினையுடன் இப்படி வரையப்படுவதை நாம் விரும்பவில்லை. இக்கலண்டர்களை உருவாக்கியவர்களுக்கு எதிராக சட்ட நடவடிக்கை மேற்கொள்ளவுள்ளோம்' என்றார்.