கட்டுப்பாட்டை இழந்த இளைஞன் உயிரிழப்பு

மோட்டார் சைக்கிளை செலுத்திச் சென்ற, கிளிநொச்சி - ஊற்றுப்புலம் பகுதியை சேர்ந்த பொ.அபிசாகன் (வயது 20)   வேகக் கட்டுப்பாட்டை இழந்து விபத்துக்குள்ளாகி சிகிச்சைப்பெற்று வந்த  நிலையில் வியாழக்கிழமை (01) உயிரிழந்துள்ளார்.

தலைக்கவசம் அணியாத நிலையில் குறித்த இளைஞன் கடந்த 26 ஆம் திகதி மோட்டார் சைக்கிளை செலுத்திச் சென்றுக்கொண்டிருந்த போது,    மோட்டார் சைக்கிள் வேகக் கட்டுப்பாட்டை இழந்து மதிலுடன் மோதி விபத்துக்குள்ளாகியது.

அவரை மீட்டு கிளிநொச்சி வைத்தியசாலையில் அனுமதிக்கப்பட்ட போது  மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்டார்.  அங்கு சிகிச்சை பெற்று வந்த நிலையில் சிகிச்சை பலனின்றி உயிரிழந்துள்ளார்.

அவரது சடலம் மீதான மரண விசாரணைகளை திடீர் மரண விசாரணை அதிகாரி நமசிவாயம் பிறேம்குமார் மேற்கொண்டுள்ளதுடன் உடற்கூற்று பரிசோதனைகளின் பின்னர் சடலம் உறவினர்களிடம் ஒப்படைக்கப்பட்டுள்ளது.

 எஸ். தில்லைநாதன்