நீரில் மூழ்கி இளைஞன் பலி

வவுனியா, மஹாமைலன்குளம் ஏரியில் நீராடச் சென்ற இளைஞர் ஒருவர் நீரில் மூழ்கி உயிரிழந்துள்ளதாக வவுனியா பொலிஸார் தெரிவிக்கின்றனர்.

வவுனியா  கோவில் புதுக் குளத்தைச் சேர்ந்த 19 வயதுடைய சிவலிங்கம் தனுஷியன் என்ற இளைஞனே இவ்வாறு உயிரிழந்துள்ளார்.   

தனது நண்பர்கள் ஐவருடன் குறித்த ஏரியில் நீராடச் சென்ற போது குறித்த இளைஞன் ஏரிக்குள் இறங்கிய நிலையில் நீரில் மூழ்கி காணாமல் போயுள்ளார். 

பின்னர் பிரதேசவாசிகள் இணைந்து குறித்த இளைஞனை மீட்டு வைத்தியசாலையில் அனுமதித்துள்ளதுடன் சிகிச்சை பெற்று வந்த நிலையில் அவர் உயிரிழந்துள்ளதாக பொலிஸார் தெரிவித்தனர்.