நிந்தவூர் பிரதேசத்தில் பல அபிவிருத்தி வேலைகள் ஆரம்பித்துவைப்பு

(எஸ்.ஆர்.அஹமட்)

கிழக்கு மாகாண அமைச்சர் எம்.எஸ்.உதுமாலெப்பபை நிந்தவூர் பிரதேசத்தில் பல அபிவிருத்தி வேலைகளை இன்று சனிக்கிழமை ஆரம்பித்துவைத்தார்.

நிந்தவூர் மக்களின் நீண்ட கால தேவையாக இருந்த மாவட்ட வைத்தியசாலை வீதி அமைப்பை ஆரம்பித்து வைத்தார். மேலும் நெசவுசாலை வீதி அபிவிருத்தி வேலையையும் ஆரம்பித்து வைத்தார்.

இதன்போது, நிந்தவூர் பொது விளையாட்டு மைதானத்திற்கு மின்சார ஒளி அமைப்பை ஏற்படுத்துவதற்கான ஆரம்ப வேலைகளும் ஆரம்பித்துவைக்கப்பட்டது.

இவ்வைபவத்தில் கிழக்கு மாகாண சபை உறுப்பினர் துல்ஷான், நிந்தவூர் பிரதேச சபைத் தலைவர் எம்.ஏ.எம். தாஹிர்இ நிந்தவூர் பிரதேச செயலாளர் ஐ.எம்.ஹனிபா உட்பட் பலர் கலந்துகொண்டனர்.