இராஜினாமா செய்யுமாறு கல்முனை மேயருக்கு பணிப்பு

Super User / 2013 ஒக்டோபர் 22 , பி.ப. 12:27 - 0 - {{hitsCtrl.values.hits}}

-றிப்தி அலி

மேயர் பதவியை இராஜினாமா செய்யுமாறு கல்முனை மேயர் சிராஸ் மீராசாஹிபிடம் ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம் கோரிக்கைவிடுத்துள்ளார் என நம்பத்தகுந்த வட்டாரங்கள் தெரிவித்தன.

ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீமிற்கும் கல்முனை மேயர் சிராஸ் மீராசாஹிபிற்கும் இடையிலான முக்கிய சந்திப்பொன்று இன்று செவ்வாய்க்கிழமை காலை நீதி அமைச்சில் இடம்பெற்றுள்ளது.

இதன்போதே மேயர் பதவியை இராஜினாமா செய்யுமாறு கோரிக்கை விடுக்கப்பட்டுள்ளதாக தெரிவிக்கப்படுகின்றது.கல்முனை மாநகர சபை தேர்தல் 2011ஆம் ஆண்டு இடம்பெற்றது. இதனையடுத்து மேயரை நியமிப்பதில் சர்ச்சை ஏற்பட்டது.

இதன்போது, அதிகூடிய விருப்பு வாக்குகளை பெற்ற சிராஸ் மீராசாஹிப் முதல் இரண்டு வருடங்கள் கல்முனை மேயராகவும் இரண்டாவது அதிகூடிய வாக்குகளை பெற்ற சிரேஷ்ட சட்டத்தரணி நிசாம் காரியப்பர் இறுதி இரண்டு வருடங்கள் மேயராகவும் செயற்படுவர் என ஸ்ரீலங்கா முஸ்லிம் காங்கிரஸ் அறிவித்தது.

இந்த நிலையில் சிராஸ் மீராசாஹிப் கல்முனை மேயராக நியமிக்கப்பட்டு எதிர்வரும் நவம்பர் முதலாம் திகதியுடன் இரண்டு வருடங்கள் நிறைவடைகின்றன.

இதனால் சிரேஷ்ட சட்டத்தரணி நிசாம் காரியப்பரை கல்முனை மேயராக நியமிக்குமாறு கட்சி தலைவருக்கு அழுத்தங்கள் விடுக்கப்பட்டுள்ளன. இந்த நிலையிலேயே கல்முனை மேயர் பதவியை இராஜினாமா செய்யுமாறு ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம் வேண்டுகோள்விடுத்துள்ளார் என்று தெரிவிக்கப்படுகின்றது.

எனினும், கல்முனைக்கு விஜயம் செய்து ஆதரவாளர்களை சந்தித்த பின்னர் தனது இறுதி முடிவை அறிவிப்பதாக சிராஸ் மீராசாஹிப் கட்சி தலைவரிடம் தெரிவித்துள்ளார் என்றும் அந்த வட்டாரங்கள் தெரிவித்தனர். இந்த சந்திப்பு குறித்து நீதி அமைச்சர் ஹக்கீம் மற்றும் கல்முனை மேயர் சிராஸ் மீராசாஹிப் ஆகியோரை பலமுறை தொடர்புகொள்ள முயற்சித்தும் அது பலனளிக்கவில்லை.

இதேவேளை, கல்முனை மேயர் சிராஸ் மீராசாஹிபிற்கும் தேர்தல் ஆணையாளர் மஹிந்த தேசப்பிரியவிற்கும் இடையிலான சந்திப்பொன்று அண்மையில் இடம்பெற்றுள்ளது. இந்த சந்திப்பின்போது புதிய உள்ளூராட்சி சட்டம் குறித்த விளக்கங்களை தேர்தல் ஆணையாளரிடமிருந்து கல்முனை மேயர் பெற்றுள்ளார் என்றும் தெரிவிக்கப்படுகின்றது.

அத்துடன் கட்சியின் உத்தரவை மீறி தொடர்ச்சியாக மேயராக செயற்படுவதற்கு முடியுமா என்ற ஆலோசனைகளையும் கல்முனை மேயர் தேர்தல் ஆணையாளரிடமிருந்து பெற்றுள்ளார் என்று தெரிவிக்கப்படுகின்றது.

இதேவேளை, கல்முனை மேயரினால் நிர்வகிக்கப்படும் மெட்ரோபொலிடன் தனியார் கல்வி நிறுவனத்தை தனியார் பல்கலைக்கழகமாக தரமுயர்த்துவதற்கான நடவடிக்கைகள் இடம்பெறுகின்றன. இந்த நிகழ்வில் கலந்துகொள்ளுமாறு ஜனாதிபதி மஹிந்த ராஜபக்ஷவிற்கு கல்முனை மேயர் அழைப்புவிடுத்துள்ளதாக மேயர் செயலக வட்டாரங்கள் தெரிவித்தன.

ஏற்கெனவே இந்த நிகழ்விற்கு உயர் கல்வி அமைச்சர் எஸ்.பி.திசாநாயக்க மற்றும் நீதி அமைச்சர் ஹக்கீம் ஆகியோர் அழைக்கப்படவிருந்தனர் என்பது குறிப்பிடத்தக்கதாகும்.

Comments - 0

Irfan Cader, Akurana Tuesday, 22 October 2013 12:47 PM

கல்முனை முதல்வர் சிராஸ் மீராஸாஹிப் தனது பதவியை இரண்டு வருடங்களில் விட்டுத் தருவதாக வாக்குறுதியளித்ததாக அறியக் கிடைத்தது. அவ்வாறு வாக்குறுதியளித்திருந்தால், கட்டாயம் அதனை நிறைவேற்ற வேண்டும். பள்ளிவாயலில், பல முக்கிய உலமாக்கள் முன்னிலையில் வாக்குறுதியளித்துவிட்டு மக்களை ஏமாற்றுகின்ற தலைவர் போல நீங்களும் இருக்கக் கூடாது.

Reply : 0 0

Naz Wednesday, 23 October 2013 07:14 AM

ருசி கண்ட பூனை அல்லவா...??!!

Reply : 0 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

பெயர்:

மின்னஞ்சல்:

உங்கள் கருத்து:

Tamil Mirror

இராஜினாமா செய்யுமாறு கல்முனை மேயருக்கு பணிப்பு

RECOMMENDED

திருகோணமலை இராவணேஸ்வரன் தமிழ் வித்தியாலயத்துக்கு டயலொக் உதவி

யூனியன் அஷ்யூரன்ஸ் INVESTMENT+ ஆயுள் காப்பீட்டுடனான முதலீட்டு வாய்ப்பு

அம்பாந்தோட்டையில் டயலொக் கடற்கரை கால்பந்து சம்பியன்ஷிப் 2021

TODAY'S HEADLINES

ஞானசார தேரரும் பாதுகாப்பு கோருகிறார்

350 கிலோ கிராம் போதைப்பொருளுடன் ஆறு மீனவர்கள் கைது

டயர் உற்பத்தி தொழிற்சாலையில் தீ

300 தாத்தாக்களை வேட்டையாடி பெண்: 300+ Bedroom Videos

Comments - 0

TODAY'S HEADLINES

ஞானசார தேரரும் பாதுகாப்பு கோருகிறார்

350 கிலோ கிராம் போதைப்பொருளுடன் ஆறு மீனவர்கள் கைது

டயர் உற்பத்தி தொழிற்சாலையில் தீ

300 தாத்தாக்களை வேட்டையாடி பெண்: 300+ Bedroom Videos

சினிமா

சர்ச்சையிலும் சந்தோஷம்: தாயான ஜாய் கிரிஸில்டா

விஜய்க்காக குரல் கொடுத்தாரா அஜித்

இராமேஸ்வரம் கிளம்புகிறார் சக்தி

‘நடிகை மீனா இரண்டாம் திருமணம்’