ஆஸி தேர்தல்: வெற்றியைப் பிரகடனம் செய்தார் பிரதமர்

அவுஸ்திரேலியாவில் இடம்பெற்ற மத்திய தேர்தலில், தனது கட்சி வெற்றிபெற்றுள்ளதாக பிரதமர் மல்கொம் டேர்ண்புல் பிரகடனம் செய்துள்ளார்.

இம்மாதம் 2ஆம் திகதி இடம்பெற்ற வாக்கெடுப்பில், எதிர்க்கட்சிக்கும் பிரதமர் தலைமையிலான ஆளுங்கட்சிக்குமிடையில் கடுமையான போட்டிய நிலவிய நிலையில், தற்போது ஆளுங்கட்சி, முன்னிலை பெற்றுள்ளது.

தனது வெற்றியைப் பிரகடனம் செய்து உரையாற்றிய பிரதமர் டேர்ண்புல், 'தேர்தலை நாம் வென்றுள்ளோம். அதைத் தான் நாம் செய்துள்ளோம்' என்று தெரிவித்ததோடு, எதிர்க்கட்சித் தலைவர் பில் ஷோர்ட்டினிடம் இருந்து, தனக்கு அழைப்புக் கிடைத்ததாகவும் தெரிவித்தார்.

அவுஸ்திரேலியா எதிர்கொள்ளும் சவால்களை எதிர்கொள்வதற்கு, நாடாளுமன்றம் சரியாக இயங்குதல் அவசியமானது எனவும் அவர் தெரிவித்தார்.