குவாட்டமாலா நிலச்சரிவில் உயிரிழந்தோர் 186ஆக உயர்வு

குவாட்டமாலாவில் இடம்பெற்ற நிலச்சரிவின் காரணமாக உயிரிழந்தோரின் எண்ணிக்கை, குறைந்தது 186ஆக உயர்ந்துள்ளது. அத்தோடு, இது மேலும் அதிகரிக்கலாம் என அச்சம் வெளியிடப்பட்டுள்ளது.

செவ்வாய்க்கிழமை இரவு வரை, 186 சடலங்களை எல் கம்ப்ரே என்ற நிலச்சரிவு இடம்பெற்ற கிராமத்திலிருந்து மீட்டுள்ளதாக, குவாட்டமாலாவின் பொது விவகார அமைச்சுத் தெரிவித்தது.

கடந்த வியாழக்கிழமை இடம்பெற்ற இந்த அனர்த்தத்தின் காரணமாக ஏற்பட்ட சிதைவுகளில் சிக்கியுள்ளளோரை மீட்பதற்காக, அங்குள்ள பொதுமக்களும் மீட்புப் பணியாளர்களும், தொடர்ச்சியான மீட்புப் பணிகளில் ஈடுபட்டு வருகின்றனர்.