டியூனிசியாவில் புதிய தேர்தல்

டியூனிசியா  ஜனாதிபதி சியனலாப்தீன் பென் அலி பதவி கவிழ்க்கப்பட்டதையடுத்து, அங்கு புதிதாக தேர்தலொன்றை நடத்துவதற்கான விபரங்களை டூனிசியாவின் இடைக்கால ஜனாதிபதி புவாட் மெபாஸா அறிவித்துள்ளார்.

டியூனிசியாவில் அரசியல் யாப்பு கவுன்ஸிலின்  பிரதிநிதிகளை தெரிவு செய்வதற்கான தேர்தல் எதிர்வரும் ஜுலை மாதம் 24 நடைபெறுமென புவாட் மெபாஸா தெரிவித்தார். இருப்பினும் டூனிசியாவில் புதிதாக தேர்தலொன்று நடைபெறும் வரை இடைக்கால ஜனாதிபதியாக தான் பதவியிலிருக்கப் போவதாகவும் அவர் கூறினார்.

இடைக்கால ஜனாதிபதியொருவர் 60 நாட்கள் மாத்திரமே ஆட்சியிலிருக்க முடியுமென தற்போதைய அரசியல் யாப்புத் தெரிவித்தாலும் கூட, தான் தேர்தல் முடிவடையும் வரை தொடர்ந்து ஆட்சியிலிருக்கப் போவதாகவும் புவாட் மெபாஸா குறிப்பிட்டார்.