கருணாநிதி வைத்தியசாலையில் அனுமதி

தமிழக முன்னாள் முதலமைச்சரும் திமுக தலைவருமான மு.கருணாநிதி உடல்நலக்குறைவு காரணமாக இன்று திங்கட்கிழமை சென்னையிலுள்ள தனியார் வைத்தியசாலையொன்றில்  அனுமதிக்கப்பட்டுள்ளார்.

88 வயதான கருணாநிதி வழக்கமான மருத்துவ சோதனைக்கு அழைத்துச் செல்லப்பட்டதாக திமுக வட்டாரங்கள் கூறியுள்ளன. எனினும் இது குறித்த விபரங்களை தெரிவிக்கவில்லை.

ஆனால், அவர் சிறுநீர் குழாய் தொற்று தொடர்பான சோதனைக்காக வைத்தியசாலைக்கு வந்ததாக வைத்தியசாலை வட்டாரங்கள் தெரிவித்துள்ளன.