‘தெ. ஆபிரிக்க கொ.மாறிக்கெதிராக தடுப்புமருந்து பாதுகாப்பு மட்டில்’

தென்னாபிரிக்க கொவிட்-19 மாறியால் ஏற்படும் லேசான நோய்க்கெதிராக மட்டுப்படுத்தப்பட்ட பாதுகாப்பையே ஒக்ஸ்போர்ட்-அஸ்ரஸெனக்கா தடுப்புமருந்து வழங்குவதாக ஆரம்ப கட்ட சோதனைகள் வெளிக்காட்டியுள்ளன.

எவ்வாறெனினும், குறித்த மாறியால் ஏற்படும் மோசமான நோயிலிருந்து இத்தடுப்புமருந்து பாதுகாக்கும் என நம்புவதாக அஸ்ரனெக்கா தெரிவித்துள்ளது.

2,000க்கும் மேற்பட்டோரிடம் மேற்கொள்ளப்பட்ட சிறிய ஆய்வின் முடிவுகளானவை நிபுணர்களால் மீளாய்வு செய்யப்படவில்லை என்பது குறிப்பிடத்தக்கது.