போயிங்க் 777 பறப்பதை நிறுத்தும் யுனைட்டெட் எயார்லைன்ஸ்

24 போயிங்க் 777 விமானங்களைக் கொண்ட தமது தொகுதியிலுள்ள, ஐக்கிய அமெரிக்காவின் டென்வரில் கடந்த சனிக்கிழமை அவசர தரையிறக்கத்தை மேற்கொண்ட இயந்திரங்களுடைய அனைத்து விமானங்களையும் உடனடியாக இடைநிறுத்துவதாக யுனைட்டெட் எயார்லைன்ஸ் நேற்றுத் தெரிவித்துள்ளது.

இதேவேளை, போயிங்க் 777களை குறிப்பிட்ட பிரட் அன்ட் விட்னி 4000 இயந்திரத்தைப் பயன்படுத்தும் அனைத்து எயார்லைன்களையும் தமது வான்பரப்பைத் தவிர்க்குமாறு ஜப்பான் கோரியுள்ளது.

இந்நிலையில், குறித்த வகையில் தற்போது 69 விமானங்கள் சேவையிலுள்ளதாக போயிங்க் தெரிவித்துள்ளது.