கிளிநொச்சி மாவட்ட சம்பியனானது இந்து இளைஞர்

-எஸ்.என்.நிபோஜன்

இலங்கை கிரிக்கெட் சபை  நடாத்தும் பிரிவு 3 போட்டியின் இறுதிச் சுற்றில், மத்திய தீரர் அணியை எதிர்கொண்டு இந்து இளைஞர் அணி வெற்றிபெற்றது.

முதலில் நாணயச் சுழற்சியில் வெற்றிபெற்ற இந்து இளைஞர் அணி, கேட்டுக் கொண்டதற்கிணங்க முதலில் துடுபெடுத்தாடிய மத்திய தீரர் அணியால், 63 ஓட்டங்கள் மாத்திரமே பெற முடிந்தது. துடுப்பாட்டத்தில் அவ்வணி சார்பாக சுவிதரன் 16, ஜெனுசன் 14 ஓட்டங்களைப் பெற்றனர். பந்துவீச்சில் அனுக்ஷன் ஆறு, தர்ஷன் மூன்று விக்கெட்டுகளை வீழ்த்தினர். 

பதிலுக்கு 64 ஓட்டங்கள் என்ற வெற்றியிலக்குடன் துடுப்பெடுத்தாடிய இந்து இளைஞர் அணி, 21.3 ஓவர்களில் ஒன்பது விக்கெட்டுகளை இழந்து, வெற்றியிலக்கை அடைந்தது. துடுப்பாட்டத்தில் பிரதீசன் 18, அனுக்ஷன் 14 ஓட்டங்களைப் பெற்றனர். பந்துவீச்சில் மத்திய தீரர்  அணி சார்பாக அஜித் ஏழு, லகிதரன் இரண்டு விக்கெட்டுகளைப் கைப்பற்றினர்.

போட்டியின் நாயகனாக அனுக்சன் தெரிவானதோடு, தொடரின் நாயகனாக அஜித் தெரிவாகினார்.