பெண்களுக்கான கரப்பந்தாட்டம்

(நவம்)

பொது நிர்வாக உள்நாட்டு அலுவல்கள் அமைச்சின் 40 வருட நிறைவைக்கொண்டாடும் முகமாக யாழ். மாவட்ட பிரதேச செயலகங்கள், உதவி அரசாங்க அதிபர் பிரிவுகளுக்கு இடையே நடைபெற்ற பெண்களுக்கான கரப்பந்தாட்டப் போட்டியில் தெல்லிப்பளைப் பிரதேச செயலக அணி சம்பியனாக தெரிவு செய்யப்பட்டது.

யாழ்ப்பாணம் மத்திய கல்லூரி மைதானத்தில் கடந்த திங்கள்கிழமை  நடைபெற்ற இறுதிப் போட்டியில் தெல்லிப்பளை பிரதேச செயலக அணியும் கோப்பாய் பிரதேச செயலக அணியும் மோதிக்கொண்டன.

மூன்று சுற்றுக்கள் கொண்ட இந்தப் போட்டியில் முதல் இரண்டு நேர் சுற்றுக்களை தெல்லிப்பளை பிரதேச செயலக அணி 25 :111, 25 : 15 என்ற புள்ளிகள்  அடிப்படையில் வெற்றி பெற்றதுடன் தேசிய மட்டத்தில் நடைபெறவுள்ள இறுதிச் சுற்றில் விளையாடவும் தகுதி பெற்றுள்ளது.