வியட்னாம் பயணமாகும் இலங்கை கனிஸ்ட பெண்கள் கரப்பந்தாட்ட அணி

(நவம்)

இலங்கை கனிஸ்ட பெண்கள் கரப்பந்தாட்ட அணி 15 ஆவது ஆசிய பெண்கள் கரப்பந்தாட்டப் போட்டியில் கலந்து கொள்வதற்காக வியட்னாமிற்கு பயணத்தை மேற்கொள்வுள்ளது.

இந்த அணியில் யாழ்ப்பாணம் தெல்லிப்பளை மகாஜனாக் கல்லூரியின் 19 வயதுப் பிரிவு மாணவியான பாலச்சந்திரன் புகழரசி என்ற மாணவியும் இடம் பெற்றுள்ளார்.

இந்த அணியில் இடம் பிடித்துள்ள முதலாவது தமிழ் வீராங்கனையாக புகழரசி காணப்படுகின்றார்.

கடந்த காலத்தில் குறிப்பாக 15 வயதுப் பிரிவில் கல்லூரி அணியில் இடம்பெற்ற இவரும் இவருடைய சகோதரியும்  தேசிய அணிக்கான பயிற்சி முகாமில் இடம்பெற்ற போதிலும் இறுதித் தெரிவில் புகழரசி மட்டும் தெரிவு செய்யப்பட்டுள்ளார்.

இவர்கள் இன்று இரவு வியட்னாமிற்கு பயணத்தை மேற்கொள்கின்றமை குறிப்பிடத்தக்கதாகும் .