தமன்னாவின் ரொமான்ஸ் பிடிக்கும்:சமந்தா

தமன்னா-சமந்தா ஆகிய இருவருமே தமிழ், தெலுங்கு திரைப்படங்களில்தான் அதிகமாக நடித்து வருகின்றனர். அவர்களுக்கிடையே தொழில் போட்டி இருப்பது போன்று அவ்வப்போது செய்திகள் வெளியாகி வருகின்றன. 

இதுகுறித்து சமந்தா கூறுகையில், 'சினிமாவில் என்னைப்போன்று எத்தனையோ நடிகைகள் நடித்து வருகின்றனர். நான் யாரையும் எனக்கு போட்டியாக நினைப்பதே இல்லை. இன்னொருவரின் திரைப்படத்தை நான் அபகரிக்க வேண்டும் என்றும் நினைத்ததே இல்லை. என்னைத்தேடி வரும் திரைப்படங்களில் மட்டுமே நடிக்கிறேன்.

இப்போதைய நடிகைகளில் என்னை அதிகமாக கவர்ந்த ஒரே நடிகை தமன்னா மட்டுமே. காரணம், அவர் கடுமையாக வேலை செய்வார். டெடிகேஷன் உள்ள நடிகை. நடிப்பு என்று வந்து விட்டால் குறித்த நேரத்தில் படப்பிடிப்பு தளத்தில் ஆஜராகி விடுவார். 

இரவு பகல் என படப்பிடிப்பு நடந்தாலும் சளைக்காமல் நடிக்கக்கூடியவர். இதற்கெல்லாம் மேலாக ஹிந்தி பெண்ணான அவர் தமிழ், தெலுங்கு சரளமாக பேசுகிறார். அது பாராட்ட வேண்டிய விடயம்' அவர் செய்யும் ரொமான்ஸ் எனக்கு ரொம்ப பிடிக்கும்' என்று தமன்னாவைப்பற்றி அடுக்கிக்கொண்டே போகின்றதர் சமந்தா.