செல்வராகவனுக்கு கை கொடுக்க விரும்பும் சோனியா அகர்வால்

'விவாகரத்துப் பெற்றவர்கள் எல்லோரும் எதிரிகளாகத்தான் இருக்கவேண்டும் என்ற அவசியம் இல்லையே... பிரிந்த பின்னரும் நண்பர்களாக இருக்க முடியும்...' என நடிகை சோனியா அகர்வால் குறிப்பிட்டுள்ளார்.

இயக்குநர் செல்வராகவனை காதலித்து கரம்பிடித்த சோனியா அகர்வால், கருத்து முறண்பாட்டால் அண்மையில் விவாகரத்து பெற்றுக்கொண்டார். விவாகரத்து பெற்றுக்கொண்டதன் பின்னர் மீண்டும் நடிப்பதற்கு வந்துவிட்டார். 'வானம்' படத்தில் சிம்புவுடன் நடித்துவருகிறார்.

சிம்பு தன்னுடைய படத்தில் சோனியாவை நடிக்க வைத்ததில் தனுஷ் தரப்புக்கு மனஸ்தாபம் என்ற செய்தியும் அண்மையில் பரவியிருந்தது. இந்நிலையில் தன்னுடைய 2ஆவது சுற்றினை ஆரம்பித்திருக்கும் சோனியாவிடம் முன்னாள் கணவன் பற்றி கேட்டபோதே மேற்கண்டவாறு கருத்துக் கூறியிருக்கிறார்.

'பிரிந்த தம்பதிகள் எதிரிகளாக இருப்பதையே அனைவரும் விரும்புகிறார்கள். அது ஒவ்வொருவருடைய மனோநிலையினையும் பொறுத்தது. என்னைப் பொறுத்தவரையில் என்னுடைய முன்னாள் கணவனை சந்தித்தால் கோவப்படமாட்டேன். அவரிடம் கோபப்படுவதற்கு எதுவும் இல்லை. முகத்துக்கு முகம் நேரடியாக சந்தித்தால் புன்னகையுடன் கை கொடுக்கவே நான் விரும்புவேன்...' என்று கூறியிருக்கிறார் நடிகை சோனியா அகர்வால்.