50 இலட்சம் பெறுமதியான வல்லப்பட்டையுடன் சீன பிரஜை கைது

சட்டவிரோதமான முறையில் வல்லப்பட்டையை வெளிநாட்டுக்கு கடத்த முயன்ற சீன பிரஜை ஒருவரை  நேற்று  வெள்ளிக்கிழமை கட்டுநாயக்க விமான நிலைய சுங்க பிரிவினர் கைது செய்துள்ளனர்.

கைது செய்யப்பட்ட நபரிடமிருந்து 25 கிலோ கிராம் வல்லப்பட்டை மீட்டுள்ளதாக பொலிஸார் தெரிவித்தனர்.

கைப்பற்றப்பட்ட வல்லப்பட்டை தொகையானது சுமார் 50 இலட்சம்  ரூபாய் பெறுமதியானது என தெரியவந்துள்ளது.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.