'மாணவர்கள் மீதான அடக்குமுறையை உடனடியாக நிறுத்தவும்'

சுதந்திரமான கல்வியை பெற்றுக்கொள்ள போராடும் மாணவர்கள் மீது அடக்குமுறை நடவடிக்கைகளை கையாள்வதை உடனடியாக நிறுத்த நடவடிக்கை எடுக்குமாறு மக்கள் விடுதலை முன்னணி தெரிவித்துள்ளது.

இது தொடர்பில் இன்று வெளியிட்டுள்ள ஊடக அறிக்கையில் இவ்வாறு கூறப்பட்டுள்ளது.
கடந்த அரசாங்கம், தற்போதைய அரசாங்கம் என்பன சுதந்திரமான கல்வியை இல்லாது செய்யும் வகையில் செயற்படுகின்றன.

இந்த நடவடிக்கையை உடனடியாக நிறுத்த வேண்டும் அதற்கு நாட்டு மக்கள் பின்னணியில் செயற்படவேண்டும் என தெரிவிக்கப்பட்டுள்ளது.

கடந்த, தற்போதைய அரசாங்கள் சுதந்திர கல்வியை இல்லாது செய்யும் வகையில் நடந்துகொண்டதுடன் அதற்கு எதிர்ப்பு தெரிவிக்கும் மாணவர்கள் மீது அடக்குமுறையை கையாள்வதாகவும் அந்த ஊடக அறிக்கையில் தெரிவிக்கப்பட்டுள்ளது.