யானை தாக்கி சிறுமி பலி

கதிர்காமம், தணமல்வில ஆனந்தபுர படகலப் பிரதேசத்தில் யானை தாக்கியதில் ஹசினி உதேசிகா ரத்நாயக்க என்ற 09 வயது சிறுமி, இன்று புதன்கிழமை (27) காலை உயிரிழந்துள்ளதாகப் பொலிஸார் தெரிவித்தனர்.

குறித்த சிறுமி, தனது தாத்தாவுடன் பாடசாலை செல்லும் வழியிலேயே இச் சம்பவம் இடம்பெற்றுள்ளதாகவும் தாத்தாவும் யானையில் தாக்குதலுக்கு உள்ளான நிலையில் வைத்தியசாலையில் அனுமதிக்கப்பட்டுள்ளதாகவும், இது தொடர்பான மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.