ராஜித தொடர்பான வழக்கு இன்று விசாரணைக்கு

நாடாளுமன்ற உறுப்பினர் ராஜித சேனாரட்னவுக்கு கொழும்பு பிரதான நீதவான் நீதிமன்றம் பிணை வழங்கியமைக்கு ஆட்சேபனை தெரிவித்து சட்டமா அதிபரால் தாக்கல் செய்யப்பட்டுள்ள சீராய்வு மனு இன்று (17) விசாரணைக்கு எடுத்துக்கொள்ளப்படவுள்ளது.

பிணையில் விடுவிக்கப்பட்டுள்ள நாடாளுமன்ற உறுப்பினர் ராஜித சேனாரட்ன, இன்றைய தினம் மன்றில் முன்னிலையாக வேண்டும் என கொழும்பு மேல் நீதிமன்றத்தினால் அண்மையில் உத்தரவு பிறப்பிக்கப்பட்டிருந்தது.
 
வெள்ளை வேன் ஊடக சந்திப்பு தொடர்பில் கடந்த மாதம் 27 ஆம் திகதி, நாரஹேன்பிட்டியவில் உள்ள தனியார் வைத்தியசாலையில் வைத்து ராஜித சேனாரட்ன னைதுசெய்யப்பட்டார்.

அதனையடுத்து, கடந்த 30 ஆம் திகதி, கொழும்பு பிரதான நீதவான் அவருக்கு பிணை வழங்கியதுடன், கடந்த செவ்வாய்க்கிழமை, மருத்துவமனையிலிருந்து ராஜித வெளியேறினார்.

அதனையடுத்து, அன்றைய தினமே அவர் குற்றப் புலனாய்வு திணைக்களத்தில் வாக்குமூலம் வழங்கியிருந்தமை குறிப்பிடத்தக்கது.