யாழ் தேவி சேவை நேரத்தில் மாற்றம்

(ரி.விவேகராசா)

எதிர்வரும் 15ஆம் திகதி ஞாயிற்றுக்கிழமை முதல் வவுனியாவிலிருந்து பகல் 12.45 மணிக்கு புறப்படும் யாழ் தேவி ரயில் கொழும்பு கோட்டை புகையிரத நிலையத்தை மாலை 5.45 மணிக்கு சென்றடையும் என்று வவுனியா புகையிரத நிலைய அதிபர் கூறினார்.

இதுவரை காலமும் இந்த ரயில் வவுனியாவிலிருந்து கடுகதி சேவையாக மாலை 3.30 மணிக்கு புறப்பட்டு இரவு 9.30 மணியளவில் கோட்டை ரயில் நிலையத்தை சென்றடைந்தது.

புதிய நேர அட்டவணை பிரகாரம் காலை 5.45 மணிக்கு கோட்டையிலிருந்து புறப்படும் இந்த ரயில், பகல் 11.10க்கு தாண்டிக்குளத்தை வந்தடையும். பகல் 12.45 மணிக்கு வவுனியாவிலிருந்து கோட்டை நோக்கி புறப்படும் எனவும் நிலைய அதிபர் மேலும் கூறினார்.