உள்ளூராட்சி திருத்தச் சட்ட மூலத்திற்கு எதிராக த.தே.கூட்டமைப்பு வழக்கு

(றிப்தி அலி)

உள்ளூராட்சி திருத்தச் சட்ட மூலத்திற்கு எதிராக தமிழ்த் தேசிய கூட்டமைப்பு நாளை புதன்கிழமை உயர் நீதிமன்றத்தில் வழக்கு தாக்கல் செய்யவுள்ளதாக நாடாளுமன்ற உறுப்பினர் எம்.ஏ.சுமந்திரன் தமிழ்மிரர் இணையத்தளத்திற்கு தெரிவித்தார்.

இதேவளை இன்று அரசியல் விவகார அமைச்சின் சிரேஷ்ட ஆலோசகரான பேராசிரியர் ரஞ்சித் அமரசிங்க மற்றும் பேராதெனிய பல்கலைக்கழகத்தின் அரசியல் விஞ்ஞான பிரிவின் தலைவரான பேராசிரியர் நரேந்திரா பண்டார ஆகியோரும் வழக்கு தாக்கல் செய்திருந்தனர்.

கடந்த வாரம் உள்ளூராட்சி திருத்தச் சட்ட மூலம் நாடாளுமன்றத்தில் சமர்ப்பிக்கப்பட்ட போதும் அது விவாதத்திற்கு எடுத்துக் கொள்ளப்படவில்லை.