இலங்கை மத்திய வங்கியின் கடன் வட்டி வீதம் குறைவு

இலங்கை மத்திய வங்கி, தான் வழங்கும் கடனுக்கான வட்டி வீதத்தை இன்று குறைத்துள்ளது. இது பொருளாதார வளர்ச்சியை தூண்டுவதற்கான ஒரு நடவடிக்கையென பொருளியலாளர்கள் தெரிவித்தனர்.

அரசாங்கம் முதலீட்டை ஊக்குவிக்கும் நோக்கத்திலுள்ளதென பொருளியல் ஆய்வாளர் துஷத் டி சில்வா கூறினார்.

தனியார் துறையின் பங்குபற்றுதலை ஊக்குவித்தல் மிகவும் அவசியமானதென மத்திய வங்கி ஒரு அறிக்கையில் தெரிவித்துள்ளது.

பணவீக்கம் குறைந்துள்ளதென மத்திய வங்கி கூறினாலும்,  சில குறிப்பிட்ட பொருட்களின் விலைகள் அதிகரித்ததை ஏற்றுக்கொள்கின்றது.

இலங்கையின் 2010ஆம் ஆண்டுக்கான பணவீக்க வீதம் 5.9 ஆகும். இலங்கை ரூபாயின் பெறுமதி உறுதியாக இருந்துள்ளது. இதனால் இறக்குமதிகளின் விலையேற்றத்தை சமாளிக்கக் கூடியதாக இருந்தது. (DM)