இலங்கையின் நியம நேரம் இன்றிரவு அறிவிக்கப்படும்

இலங்கையின் நியம நேரம் இன்று திங்கட்கிழமை நள்ளிரவு அறிவிக்கப்படவுள்ளது. இலங்கையின் உத்தியோகபூர்வ நேரமாக  இந்நேரத்தை காண்பிப்பது அவசியமாகும் என அதிகாரியொருவர் தெரிவித்தார்.

இது தொடர்பான வர்த்தமானி அறிவித்தலொன்றுக்கு உள்நாட்டு வர்த்தக அமைச்சர் ஜோன்ஸ்டன் பெர்னாண்டோ அங்கீகாரம் வழங்கியுள்ளார். இலங்கையின் நியம நேரத்தை www.sltime.org. எனும் இணையத்தளத்தின் அறிந்துகொள்ள முடியும்.

இதன்படி, இலங்கையில் அனைத்து தொலைக்காட்சிகள், வானொலிகள் முதலான இலத்திரனியல் ஊடகங்கள் உட்பட பொதுமக்களுக்கு நேரத்தை அறிவிக்கும் சகல நிறுவனங்களும் இலங்கையின் நியமநேரத்தையே அறிவிப்பது கட்டாயமானதாகும்.

இதன் மூலம் தொலைக்காட்சி, வானொலிகளில் வெவ்வேறு நேரங்கள் தெரிவிக்கப்படுவதை தவிர்த்துக்கொள்ள முடியும் எனத் தெரிவிக்கப்பட்டுள்ளது.