நாணய மதிப்பிறக்கத்திற்கு சர்வதேச நாணய நிதியம் வரவேற்பு

இலங்கை நாணயம் மதிப்பிறக்கம் செய்தமையை சர்வதேச நாணய நிதியம் வரவேற்றுள்ளது.  இந்த நடவடிக்கை இலங்கை ஏற்றுமதிப் பொருட்களின் போட்டியாற்றலை பேணவும் அதன் வெளிநாட்டு ஒதுக்கத்தை பாதுகாத்துக்கொள்ளவும் சாதகமாக அமைகிறதென சர்வதேச நாணய நிதியத்தின் இலங்கைக்கான வதிவிடப் பிரதிநிதி தெரிவித்துள்ளார்

நேற்றுமுன்தினம் திங்கட்கிழமை நாடாளுமன்றத்தில் வரவு, செலவுத்திட்டம் சமர்ப்பிக்கப்பட்டபோது இலங்கை ஜனாதிபதியும் நிதியமைச்சருமான மஹிந்த ராஜபக்ஷ  ஏற்றுமதியை ஊக்குவிக்கவும் நாட்டின் இறக்குமதிச் செலவைக் குறைக்கவும் மூன்று சதவீத நாணயப் பெறுமதி இறக்கத்தை அறிவித்திருந்தார். (Reuters)