60 வயதுக்குப் பின் சேவை நீடிப்பு இல்லை

அரச ஊழியர்களுக்கான வயது எல்லை 60 வருடங்கள் என்ற கொள்கையை அரசாங்கம் ஏற்றுக்கொண்டுள்ளதாகவும் 60 வயதின் பின்னர் சேவை நீடிப்பு வழங்கப்பட மாட்டாது எனவும் பொதுவிவகார உள்ளுராட்சி அமைச்சர் ஜோன் செனவிரட்ன இன்று தெரிவித்துள்ளார்.

அரச ஊழியர்கள் முன்னர் 55 வயதில் ஓய்வு பெற வேண்டும் எனவும் அதன்பின் 2-3 வருடங்களுக்கு சேவை நீடிப்பு பெறுவதற்கு வருடாந்தம் விண்ணப்பிக்க வேண்டும் எனவும்  இருந்தது.

இனிமேல் அரச ஊழியர்கள் 57 வயது வரை கடமையாற்றுவதற்கு தகுதியானவர்களாவர். அதன்பின் 60 வயதுவரை சேவை நீடிப்பு பெறுவதற்கு வருடாந்தம் விண்ணப்பிக்கலாம். 60 வயதுக்கு அப்பால் சேவை நீடிப்புவழங்கப்பட மாட்டாது என அமைச்சர் ஜோன் செனவிரட்ன தெரிவித்தார்.

எனினும் இக்கொள்கை உயர் நீதிமன்றம், மேன்முறையீட்டு நீதிமன்றம், மேல் நீதிமன்;ற நீதிபதிகள் மற்றும் நீதவான்கள் ஆகியோருக்குப் பொருந்தாது. அவர்களுக்கான சேவைக்கால வயதெல்லை முறையே 65, 63, 61 ஆகும்.