65ஆவது அகவையில் ஜனாதிபதி

ஜனாதிபதி மஹிந்த ராஜபக்ஷ தனது 65ஆவது அகவையில் இன்று வியாழக்கிழமை காலடி எடுத்து வைத்துள்ளார். ஜனாதிபதியின் பிறந்தநாளை முன்னிட்டு நாடு முழுவதும் இன்று பல்வேறு நிகழ்வுகள் ஏற்பாடு செய்யப்பட்டுள்ளன.

சர்வமத வழிபாட்டுத் தலங்களிலும் விசேட பூஜைகளும் வழிபாடுகளும் ஏற்பாடு செய்யப்பட்டுள்ளதுடன் அம்பாந்தோட்டை, மாகம்புர துறைமுகத்தில் இன்று முதலாவது கப்பல் நங்கூரமிடப்படவுள்ளது.

அத்துடன் சுதந்திர சதுக்கத்தில் கின்னஸ் சாதனையாக 4ஆயிரம் கிலோகிராம் எடையுள்ள பாற்சோறினைத் தயாரிப்பதற்கான ஏற்பாடுகளும் செய்யப்பட்டுள்ளன. அத்துடன் இன்று முதல் பாற்சோறு தேசிய உணவாகப் பிரகடனப்படுத்தப்படவுள்ளமை குறிப்பிடத்தக்கது.