7 வருடங்களின் பின்னர் மத்த​லயில் எமிரேட்ஸ் விமானம்

7 வருடங்களின் பின்னர், எமிரேட்ஸ் விமான நிறுவனத்துக்குச் சொந்தமான விமானமொன்று மத்தல வழமான நிலையத்தில் நேற்று (18) அவசரமாகத் தரையிறக்கப்பட்டுள்ளது.

கட்டுநாயக்க விமானநிலையத்தை அண்மித்த பகுதிகளில் நேற்று ஏற்பட்ட கடும் மழையுடனான சீரற்ற வானிலைக் காரணமாகவே குறித்த விமானம் மத்தல விமான நிலையத்துக்கு திருப்பி அனுப்பப்பட்டுள்ளது.

நேற்று மாலை 6.20 மணியளவில் டுபாயிலிருந்து கட்டுநாயக்க நோக்கி வந்த விமான​​மே இவ்வாறு மத்தல விமான நிலையத்தில் தரையிறங்கியுள்ளது.