Editorial / 2018 பெப்ரவரி 19 , பி.ப. 05:04 - 0 - {{hitsCtrl.values.hits}}
அமைச்சர் ராஜித்த சேனாரத்ன மற்றும் நாடாளுமன்ற உறுப்பினர் விமல் வீரவன்ச ஆகியோருக்கிடையில், சற்று முன்னர் நாடாளுமன்றத்தில் வாதப் பிரதிவாதங்கள் இடம்பெற்றன.
நாடாளுமன்றில் அரசியல் நெருக்கடிகள் தொடர்பில் விவாதம் இடம்பெற்று வருகின்ற நிலையிலேயே, இந்த மோதல் சூடுபிடித்துள்ளது.
ராஜித்த: (அலைபேசியை பார்த்துக்கொண்டு) இவர்கள் இன்று காலை, தேசிய அரசாங்கமொன்று இல்லையென, பெரிதாகப் பேசினர். இதோ, தான் புதிய பிரதமரொருவரை நியமிக்குமாறு கோரவில்லையென, அமைச்சர் மஹிந்த அமரவீர தெரிவித்துள்ளார்.
விமல்: ஏதாவதொரு ஆவணத்தைப் பற்றித் தெரிவிப்பதாயின், அதை சபையில் சமர்ப்பியுங்கள். அப்பா, பிள்ளை இருவருமே ஒரே மாதிரி தான் இருக்கிறார்கள்.
ராஜித்த: இவருக்கு தொழில்நுட்பம் பற்றித் தெரியாது. இவர் O/L ஃபெயில். முடிந்தால், க.பொ.த சாதாரணதரப் பரீட்சை சான்றிதழைக் காண்பியுங்கள் பார்ப்போம்?
விமல்: இந்த அமைச்சரவையின் பேச்சாளர் சொல்கிறார், நான் O/L ஃபெயில் என்று. முடிந்தாவ் நிரூபியுங்கள் பார்க்கலாம். நான் நாளைக்கே பதவி விலகுவேன்.
ராஜித்த: அப்படியானால், நீங்கள் ஏன் A/L செய்யவில்லை?
என, அமைச்சர் ராஜித்த கேள்வி எழுப்பியதும், நாடாளுமன்றத்தில் பாரிய ஆரவாரம் ஏற்பட்டது. ஆளுங்கட்சி உறுப்பினர்கள், மேசைகளில் தட்டினர்.
தொடர்ந்து உரையாற்றிய அமைச்சர் ராஜித்த, “இந்த நல்லாட்சி அரசாங்கம் ஒருபோதும் கலையாது. ஸ்ரீ லங்கா சுதந்திரக் கட்சியினரும், ஒருபோதும் அரசாங்கத்தை விட்டுச் செல்லமாட்டார்கள்” என்றார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
