கருணாவின் கருத்துக்கு மொட்டு கண்டனம்

விநாயகமூர்த்தி முரளிதரன் வெளியிட்டுள்ள கருத்தினை கடுமையாக கண்டிப்பதாக  ஸ்ரீ லங்கா பொதுஜன பெரமுன தெரிவித்துள்ளது.

கொழும்பில் இன்று(22) இடம்பெற்ற ஊடகவியலாளர் சந்திப்பில் கலந்துகொண்டு கருத்து வெளியிடுகையில் ஸ்ரீ லங்கா பொதுஜன பெரமுனவின் பொதுச் செயலாளர் சாகர காரியவசம்  இதனைக் கூறியுள்ளார்.

விநாயகமூர்த்தி முரளிதரன் இம்முறை தமது அணியில் போட்டியிடவில்லை என்றும் அவர் வேறு ஒரு கட்சியில் போட்டியிடுவதாகவும் அவர் குறிப்பிட்டுள்ளார்.

தமது கட்சியின் வேட்பாளர் அல்லாத ஒருவரின் கருத்துக்கு தமது கட்சி பொறுப்பேற்க முடியாது என்று கூறிய அவர், எவ்வாறாயினும், கருணா வெளியிட்டுள்ள கருத்தை கண்டிப்பதாக கூறியுள்ளார்.