சு.க உறுப்பினர் கைது

இலஞ்சம் வாங்கிய குற்றச்சாட்டில், ஸ்ரீ லங்கா சுதந்திரக் கட்சியில் நிக்கவெரட்டிய பிரதேச சபை உறுப்பினர் ஒருவர் கைதுசெய்யப்பட்டுள்ளார்.

இலஞ்சம் மற்றும் ஊழல் ஒழிப்பு பிரிவு அதிகாரிகளுக்கு கிடைத்த இரகசிய தகவலுக்கமைய, நிக்கவெரட்டிய-புத்தளம் வீதியில் அமைந்துள்ள உணவகம் ஒன்றில் வைத்து, அவர் நேற்று(02) கைதுசெய்யப்பட்டுள்ளார்.

எவ்வித தடையும் இன்றி மணல் கொண்டு செல்வதற்காக, ஒரு டிப்பர் வண்டிக்கு 1000 ரூபாய் என்ற அடிப்படையில் 425,000 ரூபாயை அவர் இலஞ்சமாக பெற்றுள்ளார் என தெரிவிக்கப்படுகிறது. 

கைதுசெய்யப்பட்ட சந்தேக நபரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளது.