தேர்தல் முடிவுகளைத் தொடர்ந்து முதலாவது கட்சித்தாவல்

தற்போதைய அரசாங்கத்தின் விஞ்ஞான மற்றும் தொழிநுட்ப  அமைச்சரான சுசில் பிரேமஜயந்த் இன்று (11) பிற்பகல் முன்னாள் ஜனாதிபதியைச் சந்திக்கவுள்ளதாக அரசியல் வட்டாரங்கள் தெரிவித்துள்ளன.

இவருடன் மேலும், 7 உறுப்பினர்களும் முன்னாள் ஜனாதிபதி மஹிந்தவை சந்தித்து ஸ்ரீலங்கா பொதுஜன பெரமுனவுடன்  இணையவுள்ளதாகவும் தெரிவிக்கப்பட்டுள்ள நிலையில், அமைச்சர் சுசில் பிரேம்ஜயந்த் எதிர்வரும் சில நாட்களில் தனது அமைச்சுப் பதவியை இராஜினாமா செய்யவுள்ளதாகவும் தகவல்கள் குறிப்பிட்டுள்ளன.

இதேவேளை, தேர்தல் முடிவுகளில் ஸ்ரீலங்கா சுதந்திரக்கட்சி பாரிய பின்னடைவைச் சந்தித்துள்ளமைத் தொடர்பில்  அமைச்சர்கள் சிலர் ஜனாதிபதியை அலைபேசியில் அழைத்து தமது அதிருப்தியை வெளியிட்டுள்ளதாகவும்  குறிப்பிடப்பட்டுள்ளது.