தமிழ்த் தேசிய கூட்டமைப்புடன் தமிழ்க் கட்சிகளின் அரங்கம் நாளை சந்திப்பு

(றிப்தி அலி)

தமிழ்க் கட்சிகளின் அரங்கத்தின் பிரதிநிதிகள் தமிழ்த் தேசிய கூட்டமைப்பின் தலைவர் இரா. சம்பந்தனை சந்திக்கவுள்ளதாக முன்னாள் நாடாளுமன்ற உறுப்பினர் எம்.கே.சிவாஜிலிங்கம் தமிழிரர் இணையத்தளத்திற்கு தெரிவித்தார்.

நாடாளுமன்ற உறுப்பினர் இரா.சம்பந்தனுடனான இச்சந்திப்பில் தமிழ் கட்சிகளின் அரங்க பிரதிநிதிகளாக தானும் புளொட் தலைவர் டி.சித்தார்த்தனும் ஈ.பி.ஆர்.எல்.எப். உறுப்பினர் ஸ்ரீதரனும் சந்திக்கவுள்ளதாக எம்.கே.சிவாஜிலிங்கம் குறிப்பிட்டார்.

இச்சந்திப்பின் போது தமிழ்க் கட்சிகளின் அரங்கத்தில் தமிழ்த் தேசிய கூட்டமைப்பை இணையுமாறு அழைப்பு விடுக்கவுள்ளதாகவும் அவர் குறிப்பிட்டார்.