அபிவிருத்தி வேலைத்திட்டத்தின் அங்குரார்ப்பண நிகழ்வு

தீசான் அஹமட், எம். முபாரக்

35 இலட்சத்து 77 ஆயிரம் ரூபாய் செலவில் முன்னெடுக்கப்படவுள்ள, மூதூர் புதிய துறைமுக வீதி அபிவிருத்தி வேலைத்திட்டத்தின் அங்குரார்ப்பண நிகழ்வு,  இன்று (01) இடம் பெற்றது.

கிழக்கு மாகாண சபை உறுப்பினர் சட்டத்தரணி ஜே.எம்.லாஹிரின் வேண்டுகோளுக்கிணங்க, கிழக்கு மாகாண வீதி அபிவிருத்தி மற்றும் காணி அமைச்சின் 2016ஆம் ஆண்டு நிதி ஒதுக்கீட்டின் கீழேயே இந்த வீதி அபிவிருத்திசெய்யப்படவுள்ளது.

இந் நிகழ்வில், கிழக்கு மாகாண வீதி அபிவிருத்தி மற்றும் காணி அமைச்சர் ஆரியவதி கலப்பதி, கிழக்கு மாகாண சபை உறுப்பினர் ஜே.எம்.லாஹிர், கிழக்கு மாகாண வீதி அபிவிருத்தி அமைச்சின் செயலாளர் மற்றும் தொழில்நுட்ப உத்தியோகத்தர்கள் போன்றோர் கலந்து கொண்டனர்.