ரொட்டவௌ முஸ்லிம் வித்தியாலயத்தில் முதல் தடவையாக புலமைப்பரிசில் பரீட்சையில் மூன்று மாணவர்கள் சித்தி

(எம் பரீட்)      

திருகோணமலை மாவட்ட எல்லை கிராமமான ரொட்டவௌ முஸ்லிம் வித்தியாலயத்தில் வரலாற்றில் முதல் தடவையாக இம்முறை நடைபெற்ற ஐந்தாம் ஆண்டு புலமைப்பரிசில் பரீட்சையில் மூன்று மாணவர்கள் சித்திபெற்றுள்ளனர்.

இவ்வருடம் 27 மாணவர்கள் பரீட்சையில் தோற்றிய போதும் மூன்று மாணவரகளே முதல் தடவையாக சித்தி பெற்றுள்ளனர்.

றஹீம் பர்வஸ் முஸரப் - 164 புள்ளிகள், முகம்மது சாலின் சுமையா – 161 புள்ளிகள் இஸ்மாயில் பாத்திமா – 161 புள்ளிகளை பெற்று இம்மூவருமே குறித்த பாடசாலைக்கு  பெருமை சேர்த்துள்ளனர்.

கடந்த 1954ஆம் ஆண்டு ஆரம்பிக்கப்பட்ட இப்பாடசாலையில் 1992ஆம் ஆண்டு முதல் மாணவர்கள் புலமைப்பரிசில் பரீட்சையில் தோற்றி வருகின்றமை குறிப்பிடத்தக்கது.