கடேற் பயிற்சியின் நிறைவு செய்தவர்களுக்கான விருது வழங்கல்

(ரமன்)

பாடசாலை மாணவிகளுக்கான கடேற் பயிற்சியின் நிறைவு செய்தவர்களுக்கான விருது வழங்கும் நிகழ்வு இன்று சனிக்கிழமை திருகோணமலை கடற்படை தளத்தில் நடைபெற்றது.

தேசிய மாணவர் கடேற் படையணியின் பணிப்பாளர் நாயகம் மேஜர் ஜெனரல் காமினி ஜெயசுந்தர தலைமையில் நடைபெற்ற இந்நிகழ்வில் நாடளாவிய ரீதியிலிருந்து சுமார் 900 மாணவிகள் கலந்துகொண்டனர்.

இந்நிகழ்வுகளின் நிறைவு நாளான இன்று சனிக்கிழமை அணி வகுப்பு மரியாதையும் நடைபெற்றது. 21 பேரை கொண்ட 40 பிளட்டுன்களாக பயிற்சிகளை மேற்கொண்ட கடேற் படையணியின் மத்தியில் திறமை காட்டிய மாணவிகளுக்கு விசேட விருதுகளும் வழங்கப்பட்டன.