போதைக்கு முற்றுப்புள்ளி கோரி...

போதைப்பொருளுக்கு எதிர்ப்பு தெரிவிக்கும் வகையில் ஏற்பாடு செய்யப்பட்ட ஆர்ப்பாட்டமொன்று இன்று பிற்பகல் கொழும்பு, வெலிக்கடை சிறைச்சாலைக்கு முன்னால் முன்னெடுக்கப்பட்டது.

சிறைச்சாலைக் கைதிகளால் மறைத்து வைக்கப்பட்டிருந்த போதைப்பொருட்களைக் கண்டுபிடிப்பதற்காக பொலிஸாரால் நேற்று சிறைக்கூடங்களில் நடத்தப்பட்ட சோதனை நடவடிக்கையின் போது கைதிகளின் தாக்குதல்களுக்கு இலக்கான பொலிஸ் உத்தியோகத்தர்கள் பலர் படுகாயங்களுக்கு உள்ளாகினர்.

இந்நிலையிலேயே மேற்படி ஆர்ப்பாட்டம் இன்று வெலிக்கடை சிறைச்சாலைக்கு முன்னால் முன்னெடுக்கப்பட்டது. இவ்வார்ப்பாட்டத்தின் போது போதைப் பொருளை ஒழிப்பதற்கான நடவடிக்கைகளை உடனடியாக முன்னெடுக்குமாறு அரசாங்கத்தையும் ஜனாதிபதியையும் வலியுறுத்தும் வகையில் கோஷங்கள் எழுப்பப்பட்டமை குறிப்பிடத்தக்கது. Pix by :- Indrarathna Balasooriya