சிந்துவுக்கு அரையிறுதியில் தோல்வி

இந்தியாவின் நட்சத்திர பூப்பந்தாட்ட வீராங்கனை பி.வி.சிந்து, துபாய் உலக சுப்பர்சீரிஸ் இறுதிப் போட்டிகளின் அரையிறுதிப் போட்டியில் தோல்வியடைந்து, அத்தொடரிலிருந்து வெளியேற்றப்பட்டுள்ளார்.

தென்கொரியாவின் சுங் ஜி ஹையுனை எதிர்கொண்ட பி.வி.சிந்து, முதலாவது செட்டை 15-21 என இழந்த போதிலும், இரண்டாவது செட்டை 21-18 என்ற செட் கணக்கில் கைப்பற்றினார். தீர்க்கமானதான மூன்றாவது செட்டில், 15-21 என்ற புள்ளிகள் கணக்கில், சிந்து தோல்வியடைந்தார்.

இத்தொடரின் குழுநிலைப் போட்டிகளில் 3 போட்டிகளில் விளையாடிய சிந்து, 2 போட்டிகளின் வெற்றிபெற்று, அரையிறுதிப் போட்டிக்குத் தகுதிபெற்றிருந்தமை குறிப்பிடத்தக்கது.