நியூஸிலாந்து அணிக்கு 10 விக்கெட் வெற்றி

உலக கிண்ண கிரிக்கெட் தொடரில் இன்று நடைபெற்ற முதலாவது போட்டியில் ஸிம்பாப்வே அணியை நியூஸிலாந்து அணி 10 விக்கெட்டுகளால் தோற்கடித்தது.

அஹமதாபாத் நகரில்  நடைபெற்ற இப்போட்டியில் முதலில் துடுப்பெடுத்தாடிய ஸிம்பாப்வே அணி 46.2 ஓவர்களில் 162 ஓட்டங்களுடன் சகல விக்கெட்டுகளையும் இழந்தது.

நியூஸிலாந்து பந்துவீச்சாளர்களில் டிம் சௌதீ 29 ஓட்டங்களுக்கு 3 விக்கெட்டுகளை வீழ்த்தினார்.

டேனியல் வெட்டோரி 25 ஓட்டங்களுக்கு 2 விக்கெட்டுகளையும் கீல் மில்ஸ் 29 ஓட்டங்களுக்கு 2 விக்கெட்டுகளையும் கைப்பற்றினர்.\

நியூஸிலாந்து அணி 33.3 ஓவர்களில் விக்கெட் இழப்பின்றி 166 ஓட்டங்களைப் பெற்று வெற்றியீட்டியது.

மார்ட்டின் குட்பில் ஆட்டமிழக்காமல் 86 ஓட்டங்களையும் பிரெண்டன் மெக்கலம் 76 ஓட்டங்களையும் பெற்றனர்.
மார்ட்டின் குட்பில் இப்போட்டியின் சிறப்பாட்டக் காரராகத் தெரிவானார்.