பெட்ரோவுக்கான ஒப்பந்தத்துக்கு இணங்கியது செல்சி

பார்சிலோனா அணியின் முன்கள வீரரான பெட்ரோவை 21 மில்லியன் ஸ்டேர்லிங் பவுன்சுக்கு ஒப்பந்தம் செய்துகொள்ள செல்சி விளையாட்டுக்கழகம் இணங்கியுள்ளது.

மன்செஸ்டர் யுனைட்டெட் விளையாட்டுக்கழகத்தின் இலக்காக இருந்த 28 வயதான பெட்ரோ ஒப்பந்தத்தை இறுதி செய்வதற்காக லண்டனுக்கு பயணமாகவுள்ளார்.

ஸ்பெயின் நாட்டின் தேசிய வீரரான இவர் 2008ஆம் ஆண்டு பார்சிலோனா அணியில் அறிமுகத்தை மேற்கொண்டு 326 போட்டிகளில் 99 கோல்களை பெற்றுள்ளார்.

பெட்ரோவின் வருகையை தொடர்ந்து செல்சி விளையாட்டுக்கழகத்தில் ஏழு மாதங்கள் மட்டுமே இருந்த கொலம்பிய அணியின் தேசிய வீரரான ஜுவான் குவாட்ரடோ வெளியேறவுள்ளார்.