உரிமையாளருக்கு அபராதம்

-வா.கிருஸ்ணா

சுகாதாரத்துக்கு ஏற்ற முறையில் உணவு வைக்கப்பட்டிருக்காமை மற்றும் உணவு பரிமாறுபவருக்கு மருத்துவ சான்றிதழ் இல்லாமை ஆகிய குற்றச்சாட்டின் கீழ், மட்டக்களப்பு நீதிமன்றத்துக்கான சிற்றுண்டிச்சாலை நடத்துபவருக்கு, மட்டக்களப்பு நீதிவான் நீதிமன்ற நீதிபதி எம்.கணேசராஜா, 1,000 அபராதம் விதித்து உத்தரவிட்டார்.

மட்டக்களப்பு புளியந்தீவு பொதுச்சுகாதார பரிசோதகர் எஸ்.அமுதமாலன் திங்கட்கிழமை,மேற்கொண்ட திடீர் சோதனை நடவடிக்கையின்போது, குறித்த சிற்றுண்டிச்சாலை சுகாதாரத்துக்கு ஏற்ற முறையில் உணவு வைக்கப்பட்டிருக்காமை மற்றும் உணவு பரிமாறுபவருக்கு மருத்துவ சான்றிதழ் இல்லாமை போன்றவை தொடர்பில் இனங்காணப்பட்டமை குறிப்பிடத்தக்கது.