களுதாவளையில் கைக்குண்டு மீட்பு

- வடிவேல் சக்திவேல்

மட்டக்களப்பு, களுதாவளை கொம்புச் சந்தி வீதியில் அமைந்துள்ள வெற்றுக் காணியில் நேற்று வெள்ளிக்கிழமை (09) இரவு, கைக்குண்டு ஒன்று மீட்கப்பட்டுள்ளதாக, களுவாஞ்சிகுடிப் பொலிஸார் தெரிவித்தனர்.

காணியைச் சுத்தம் செய்யும் முகமாக மண்ணை வெட்டிய  போது, பொலித்தின் பையினால் சுற்றியவாறு கைக்குண்டு வெளிவந்ததாகவும், இதனையடுத்து கிராம சேவையாளர் ஊடாகப் பொலிஸாருக்கு அறிவித்ததாகவும் காணி உரிமையாளர் தெரிவித்தார்.