தமிழ் இலக்கணப் போட்டியில் முதலாமிடம்

-வடிவேல் சக்திவேல்

அம்பாறை மாவட்டத்தின் றாணமடு இந்து மகா வித்தியாலயத்தில் கல்விப் பொதுத் தராதர சாதாரண தரத்தில் கல்வி பயிலும் அற்புதராஜா மிராளினி அண்மையில் கொழும்பில் நடைபெற்ற தேசிய மட்டத்திலான தமிழ் இலக்கணப் போட்டியில் பங்குபற்றி முதலாம் இடத்தினைப் பெற்றுள்ளார்.

பாடசாலை வரலாற்றில் இம்மாணவியினுடைய சாதனையானது என்றுமே அழிக்க முடியாத காலச்சுவடுடாக, பதிவு செய்யப்பட்டுள்ளது.

கடந்த மாதம் கிழக்கு மாகாண பாடசாலை மட்டத்தில் நடைபெற்ற தமிழ் இலக்கணப் போட்டியில் முதலாம் இடத்தினைப் பெற்று தேசிய மட்டத்துக்கு குறித்த மாணவி தெரிவாகி தற்போது தேசிய ரீதியாக முதலாம் இடத்தினை பெற்று சாதனை படைத்துள்ளார்.

குறித்த மாணவி சம்மாந்துறை கல்வி வலயத்தில் சேவையாற்றும் ஆசிரியர்களான அற்புதராசா - பிரதட்சனி தம்பதியினரின் புதல்வியாவார். மாணவியினுடைய திறமைக்கு கல்விச் சமூகத்தினர் நன்றியினையும் பாராட்டினையும் தெரிவிக்கின்றனர்.