மட்டக்களப்பில் தாதியர் சான்றிதழ் வழங்கும் வைபவம்

(ஜிப்ரான், ரி.லோஹித்)

தாதியர் சேவையில் டிப்ளோமாவை பூர்த்தி செய்த 26 தாதியர்களுக்கு இன்று மட்டக்களப்பில் சான்றிதழ்கள் வழங்கப்பட்டன. கடந்த 2004ஆம் ஆண்டு தாதியர் பின்பயிற்சி டிப்ளோமாவை பூர்த்தி செய்த இவர்கள் மட்டக்களப்பு, திருகோணமலை, கல்முனை, யாழ்ப்பாணம் உட்பட பல வைத்தியசாலைகளுக்கு நியமிக்கப்பட்டுள்ளனர்.

இவர்களுக்கான சான்றிதழ் வழங்கும் வைபவமு தொப்பியணிவிக்கும் வைபவமும் கிழக்கு பல்கலை கழக மருத்துவபீட வளாகத்தில் இன்று காலை மருத்துவபீட பீடாதிபதி டாக்டர் கே.கருணாகரன் தலைமையில் நடைபெற்றமை குறிப்பிடத்தக்கது.