ஜனாதிபதி மஹிந்தவுக்கு ஆதரவாக மட்டக்களப்பில் ஆர்ப்பாட்ட பேரணி

(எம்.சுக்ரி, ஜிப்ரான், வதனகுமார்)

ஜனாதிபதி மஹிந்த ராஜபக்ஷவுக்கு பிரித்தானியாவில் எதிர்ப்பு தெரிவித்ததை கண்டித்தும் ஜனதிபதிக்கு ஆதரவு தெரிவிக்கும் வகையிலும் ஏற்பாடு செய்யப்பட்ட ஆர்ப்பாட்டப் பேரணியொன்று மட்டக்களப்பு நகரில் இன்று நடத்தப்பட்டது.

சிறிலங்கா சுதந்திரக் கட்சியின் மட்டக்களப்பு ஆதரவாளர்களினால் நடத்தப்பட்ட இப்பேரணி மட்டக்களப்பு இந்துக்கல்லூரி மைதானத்தில் ஆரம்பமாகி மட்டக்களப்பு கச்சேரி வரை நடைபெற்றது. பேரணியில் சென்றோர் ஜனாதிபதிக்கு ஆதரவான சுலோகங்களை தாங்கிச் சென்றனர்.

பேரணியின் முடிவில் பிரித்தானிய தூதுவரிடத்தில் கையளிப்பதற்கான மகஜரொன்றை மட்டக்களப்பு மாவட்ட அரசாங்க அதிபரிடத்தில் கையளித்ததாக மீள் குடியேற்ற பிரதியமைச்சரின் இணைப்புச்செயலாளர் ரவி தெரிவித்தார்.