சூழல் பாதுகாப்புக் கருதி நடப்பட்ட சவுக்கு மரங்கள் வெட்டப்படும் அபாயம்

(ஜதுசன்)

மண்ணரிப்பை தடுக்கும் வகையிலும் சூழலை பாதுகாக்கும் வகையிலும் இயற்கை அனர்த்தங்களிலிருந்து பாதுகாப்பு பெறும் வகையிலும்  வாகரை முதல் பொத்துவில் வரை நடப்பட்ட  இரண்டு இலட்சம் சவுக்கு மரங்கள் தற்போது இனந்தெரியாதோரால் நாளுக்குநாள் வெட்டப்பட்டு வருகின்றன.   

ஓந்தாச்சிமடம், களுவாஞ்சிக்குடி, களுதாவளை, தேத்தாதீவு போன்ற இடங்களில் சீராக பராமரிக்கப்பட்டு வந்த இந்த மரங்கள் தற்போது நாளுக்குநாள் இனந்தெரியாதோரால் வெட்டப்படுகின்றன. இதை தடுக்க மண்முனை தென்எருவில்பற்று பிரதேச செயலகமோ, மத்திய சூழல் அதிகாரசபையோ, பொலிஸாரோ, பிரதேச சபையோ இதுவரையில் எவ்வித நடவடிக்கையும் எடுக்கவில்லையென பிரதேச மக்கள் கவலை தெரிவித்தனர்.