பிரித்தானிய எம்.பியுடன் காத்தான்குடி நகர சபை எதிர்க்கட்சி தலைவர் லண்டனில் சந்திப்பு

காத்தான்குடி நகர சபையின் எதிர்க்கட்சி தலைவரும் நல்லாட்சிக்கான மக்கள் இயக்கத்தின் சூறா சபை உறுப்பினருமான பொறியியலாளர் எம்.எம்.அப்துர் ரஹ்மான் பிரித்தானிய நாடாளுமன்ற உறுப்பினர் கலாநிதி க்வாஸி கவாட்டுடென்ஜுனுடன் அண்மையில் பேச்சு நடத்தினார்.

கடந்த வாரம் அப்துர் ரஹ்மான் இங்கிலாந்துக்கு விஜயம் மேற்கொண்ட போது பிரித்தானிய நாடாளுமன்ற கட்டிடத் தொகுதியில் பிரித்தானிய நாடாளுமன்ற உறுப்பினரை அவர் சந்தித்தார்.

இச்சந்திப்பின் போது நல்லாட்சிக்கான மக்கள் இயக்கம் மட்டக்களப்பு மாவட்டத்தை மையப்படுத்தி மேற்கொள்ளும் வேலைத்திட்டங்கள் மற்றும் காத்தான்குடி நகர சபை ஊடாக முன்னெடுக்கப்பட கூடிய முக்கிய அபிவிருத்தி வேலைத்திட்டங்களுக்கு பிரித்தானிய நிறுவனங்களின் உதவிகளை பெற்றுக்கொள்வது தொடர்பாகவும் கலந்துரையாடப்பட்டது.