ஏறாவூர் அபிவிருத்திக்குழுத் தலைவராக பிரதியமைச்சர் பசீர் சேகுதாவூத் நியமனம்

(எம்.சுக்ரி)

ஏறாவூர் பிரதேச ஒருங்கிணைப்பு அபிவிருத்திக் குழுவின் தலைவராக உள்நாட்டு வர்த்தக கூட்டுறவு பிரதியமைச்சர் பசீர் சேகுதாவூத் நியமிக்கப்பட்டுள்ளார். பிரதியமைச்சர் பசீர் சேகுதாவூத் ஓட்டமாவடி மற்றும் கோறளைப்பற்று மத்தி ஆகிய பிரதேச செயலாளர் பிரிவுகளின் பிரதேச ஒருங்கிணைப்பு அபிவிருத்திக் குழுவின் இணைத் தலைவராகவும் நியமிக்கப்பட்டுள்ளார்.

இவருக்கான இந்நியமனம் பொருளாதார அபிவிருத்தி அமைச்சர் பசில் ராஜபக்ஷவினால் கடந்த சனிக்கிழமையன்று வழங்கப்பட்டுள்ளது. ஏறாவூர் பிரதேச ஒருங்கிணைப்பு அபிவிருத்திக்குழுவின் தலைவராக பிரதியமைச்சர் ஹிஸ்புல்லா ஏற்கனவே இருந்தார் என்பது குறிப்பிடத்தக்கது.